الضيق حد وللحزن جمره تكوي خفوقي..

كل ما اتسع هذا المـدى فـي خاطـري انّـه يضيـق
لانّـي علـى سبـق النظـر ألحـق مدايـه وأسبـقـه
ولأنّ التنفـس ساعـة الفرقـا مـع الدمعـة شهـيـق
كنّـه سجـيـن وينتـظـر سجّـانـه انّــه يطلـقـه
والموعد اللي قد رحـل فـي خاطـره حـزنٍ عميـق
لانّـه بدايـة مـا ابتـدت ولانّــه نهـايـة مطلـقـة
والساعـة اللـي نبضهـا فـي حـزة الموعـد رفيـق
شاهـد علـى انّـه متـهـم وانّ القضـيـة مغلـقـة
جيت ومعي وردة تـرف مـن فمّهـا سـال الرحيـق
أسـرق مسافـة موعـدي قبـل الثـوانـي تسـرقـه
قلت ارتشف مـن دفتـري آخـر جديـدي واستريـق
( غيمة عطر ) , ( دمعة كحل ) مدري وش اللي تعشقه
وصلت فالموعـد واذا صـدر الكراسـي مـلّ ضيـق
والطاولـه فـي حضنهـا نـام الكـرز , ياااامروقـه
واشوف لي شمعـه بـدا فـي عينهـا مرقـد حريـق
قلـت أشعلـك يـا شمعتـي والخـايـن الله يحـرقـه
قلت انتظر ساعة عسـى تنجـو سفينـه مـن مضيـق
علّـه مضيـقٍ مـن سعـة وألا عـسـى الله يفلـقـه
تاهت بي الساعـة وانـا مـن طولهـا انعـس وافيـق
واقول يـا ساعـة صبـر مـن يطلـب المـا يلحقـه
شفت التحمـل قـد بلـغ مـن وردتـي مـا لا تطيـق
والشمعـة آخـر دمعهـا غطّـى جفنـهـا وأغـرقـه
قلت أرسمك يا موعدي فـي دفتـري صـورة شنيـق
واكتب على اللوحة ..( كـذا مـات ويدينـه تشنقـه )

الله يعطيك العافيه على هذا الموضوع الرائع وتشكرين على هذا المجهود يالغلا

الله يعافيك ياقلبي

الله يعطيك العافيه

تسلم ايدنيك ياعســــــــــــــــــــــــــــــــل ..

شقرديه وشامخه فديت اقلوبكم
تسلمون على مروركم

مشكووووووووووووره ياعمريـــــــــــ